ठाणे जिल्ह्यातील उल्हासनगरमध्ये एक धक्कादायक घटना उघडकीस आली आहे. कुर्ला कॅम्प परिसरातील एका प्ले स्कूलमध्ये आयोजित समर कॅम्पमध्ये, अडीच वर्षांच्या चिमुकल्यावर लैंगिक अत्याचार झाल्याचा आरोप आहे. या प्रकरणी डान्स शिक्षक जितेंद्र दुलानी याला अटक करण्यात आली आहे.
समर कॅम्पमध्ये सहभागी झालेल्या चिमुकल्याला १५ आणि २१ मे रोजी डान्स शिक्षकाने वेगळ्या खोलीत नेऊन त्याच्यावर अत्याचार केल्याचे समोर आले आहे. मुलाला त्रास होऊ लागल्याने पालकांनी डॉक्टरांकडे नेले, तेव्हा लैंगिक अत्याचार झाल्याचे उघड झाले. त्यानंतर पालकांनी विठ्ठलवाडी पोलीस ठाण्यात तक्रार दाखल केली.
पोलिसांनी तत्काळ कारवाई करत जितेंद्र दुलानी याला अटक केली असून, त्याला पाच दिवसांची पोलीस कोठडी सुनावण्यात आली आहे. या प्रकरणामुळे उल्हासनगरमध्ये संतापाची लाट उसळली आहे. पोलिसांनी इतर मुलांचेही जबाब नोंदवण्यास सुरुवात केली आहे, ज्यामुळे आणखी काही प्रकरणे उघड होण्याची शक्यता आहे.
https://marathi.ndtv.com/crime/sexual-assault-on-3-year-old-child-in-ulhasnagar-dance-teachers-misdeeds-at-summer-camp-8502042
