तांभेरे कौटुंबिक वाद हल्ला: मामाकडून भाच्यावर कुऱ्हाडीने हल्ला

राहुरी (प्रतिनिधी): कौटुंबिक वादातून झालेल्या वादावादीनंतर मामाने आपल्या भाच्यावर कुऱ्हाडीने प्राणघातक हल्ला केल्याची धक्कादायक घटना तांभेरे (ता. राहुरी) येथे घडली आहे. या घटनेमुळे परिसरात खळबळ उडाली आहे.

मिळालेल्या माहितीनुसार, सुनिल भाऊसाहेब नाळकर (वय ३२) रा. रामपूर, हल्ली रा. चिंचवड, पुणे हे राहुरी येथे त्यांच्या मुळगावी आले होते. त्यांच्या मामांचे दोन भाऊ – राजेंद्र आणि सुरेश मुसमाडे – यांच्यासोबत पूर्वीपासूनच कौटुंबिक मतभेद होते. या पार्श्वभूमीवर झालेल्या वादात सुनिल यांनी मध्यस्थी करण्याचा प्रयत्न केला. त्यानंतर अचानक राजेंद्र मुसमाडे यांनी सुनिल यांच्यावर शिवीगाळ करत त्यांना ठार मारण्याची धमकी दिली.

घटनेच्या दिवशी, दि. २८ मे रोजी, सुनिल हे मामाच्या घरी गेले असता त्यांच्यावर कुऱ्हाडीने हल्ला करण्यात आला. या वेळी त्यांनी हस्तक्षेप करण्याचा प्रयत्न केला असता, त्यांच्या आईने हस्तक्षेप करून त्यांना वाचवले.

या प्रकरणी राहुरी पोलिस ठाण्यात तक्रार दाखल करण्यात आली असून, राजेंद्र मुसमाडे यांच्यावर गुन्हा दाखल करण्यात आला आहे. पोलिसांनी भा.दं.वि. कलम ३२६, ५०४, ५०६ अन्वये गुन्हा नोंदवला असून तपास सुरू आहे.

https://epaper.deshdoot.com