पुणे – राज्याच्या राजकारणात सध्या गाजत असलेल्या राष्ट्रवादी काँग्रेस पक्षाच्या एकत्रीकरणाबाबत कोणतीही माहिती नसल्याचे शरद पवार यांनी स्पष्टपणे सांगितले. “मला त्या विषयाबाबत काहीच माहिती नाही,” असे तीन शब्दात उत्तर देत त्यांनी या चर्चांना पूर्णविराम दिला.
अलीकडील घडामोडींमध्ये शरद पवार आणि अजित पवार यांच्यातील संबंधांबाबत वेगवेगळ्या चर्चांना उधाण आले होते. यामध्ये राष्ट्रवादी काँग्रेसच्या दोन गटांमध्ये एकत्रीकरण होण्याची शक्यता असल्याचे बोलले जात होते. मात्र शरद पवार यांनी या चर्चांवर तीन शब्दांतच “माहिती नाही” असे सांगून या सर्व चर्चांना पूर्णविराम दिला आहे.
दुसरीकडे, सुप्रिया सुळे यांनी पत्रकारांशी बोलताना सांगितले की, “सचिव डबरे यांच्यावर झालेली कारवाई ही कोणत्याही राजकीय दबावामुळे झालेली नाही.” त्यांनी पोलिस यंत्रणांवर विश्वास व्यक्त करत सांगितले की, “गुन्हा झालाच नसेल तर न्याय मिळेलच.” त्या म्हणाल्या की, कोणतेही चुकीचे कृत्य घडल्यास त्यावर योग्य ती कारवाई होईल.
