पुणे: शहरातील सदाशिव पेठेतील भवानी हायस्कूलजवळ मंगळवारी रात्री एक धक्कादायक घटना घडली. पुण्यात १२ विद्यार्थ्यांना उडवले गेले असून चालकाने मद्यधुंद अवस्थेत कार चालवत असताना नियंत्रण गमावल्यामुळे अपघात घडला.
प्रत्यक्षदर्शींच्या माहितीनुसार, अपघातादरम्यान रस्त्यावर गर्दी होती आणि अनेक विद्यार्थी रस्त्याच्या कडेला उभे होते. भरधाव वेगात आलेल्या कारने थेट विद्यार्थ्यांच्या दिशेने धडक दिली. यामध्ये १२ जण गंभीर जखमी झाले असून त्यांना जवळच्या रुग्णालयात दाखल करण्यात आले आहे.
पोलीस तपासात चालकाने मद्यपान केल्याचे स्पष्ट झाले आहे. सध्या आरोपी चालकाला ताब्यात घेण्यात आले असून त्याच्यावर कलम ३०८ अंतर्गत गुन्हा दाखल करण्यात आला आहे.
अपघातानंतर परिसरात भीतीचे वातावरण
या घटनेनंतर परिसरात प्रचंड तणावाचं वातावरण निर्माण झालं आहे. नागरिकांमध्ये रोष असून वाहतूक नियंत्रणावर प्रश्नचिन्ह उपस्थित केले जात आहे. पालकांनी विद्यार्थ्यांच्या सुरक्षेची मागणी करत अधिकाऱ्यांकडे निवेदन दिलं आहे.
प्रशासनाची प्रतिक्रिया
पोलिसांनी घटनास्थळी तातडीने कारवाई करत ट्रॅफिक कंट्रोल केला. पुढील तपास सुरु असून सीसीटीव्ही फुटेज तपासले जात आहेत.
